Анди Бетирсолтанов - Хьо йола безамца

Хьо йола безамца, малх санна йогуш,
Седарчий ухкур ду к1ажаршна т1е.
Шовдане хӀоьттинчохь соьга дог дохуш,
Сан кийра латайи безаман ц1е.

Хьо йола - дицлур ду сатуьйсуш вахар,
Г1айг1анаш йицлур йу дегнашна вайн.
Вовшашна т1екхачар - дуьненан бахам.
Ас хьоьга кховдор ду доьхна дог сайн.

Хьо йола йекхалой, зезагах тарлой,
Сихвелла хьо 1овжор дицделахь ахь.
Ца йог1уш ма 1елахь, хьо суна вас йай,
Атта ма хадабе безаман мах.

Хьо йола дашо малх бузучу хенахь,
Безамца тешаме дог кховдаде.
Ца йогӀуш хьо йисахь безамна генахь,
Летар йу сан кийра йовр йоцу цӀе.